പ്രഭാത കിരണങ്ങള്‍ സ്വര്‍ണമായ് നീളുന്നു
കൊഴിയുമെന്‍ സ്വപ്‌നങ്ങള്‍ പൂമഴയാകുന്പോള്‍
വിസ്മൃതിയില്‍ ആകാത്ത ബോധലക്ഷ്യങ്ങളില്‍
ഏറെത്തിരിക്കിലായ് യാത്രപോകട്ടെ ഞാന്‍
പൊട്ടിച്ചിരിക്കും ചിലങ്കകള്‍ കാലില്‍
ഭാവസങ്കീര്‍ത്തനം പാടിയ നാളുകള്‍
ഊഷ്മള മായൊരു സുഖസ്പര്‍ശങ്ങളില്‍
പ്രത്യക്ഷമായെന്റെ സുന്ദരോപാസന .
മഞ്ഞിന്‍ തണുപ്പും ഇലമര്‍മരങ്ങളും
ഉന്മാദം നല്കിയ രാപ്പകല്‍ പോകവേ
മഴവില്ലു വിരിയിച് സുന്ദരി നീ എന്തേ -
മായാതെ പോവാതെ നില്പതീ വണ്ണം,
മനസ്സിന്റെ മാന്ത്രിക ജാലകം പിന്‍പറ്റി
പുലരിയായ്‌, സന്ധ്യയായ് ദിവ്യമാം ഗാനമായ്
പ്രഭാത കിരണങ്ങള്‍ സ്വര്‍ണമായ് നീളുന്നു
കൊഴിയുമെന്‍ സ്വപ്‌നങ്ങള്‍ പൂമഴയാകുന്പോള്‍
-കെ എ സോളമന്‍
No comments:
Post a Comment