ചോദ്യം അല്പം പഴയതാണെങ്കിലും ഇപ്പൊഴും പ്രസക്തം. മറ്റുമാര്‍ഗ്ഗങ്ങള്‍ ഇല്ലാത്തതിനാല്‍ ജനം ഈ
വ്യവസ്ഥിതിയില്‍ കടിച്ചു തൂങ്ങുന്നു. ഇന്ത്യന്‍
ജനാധിപത്യത്തിന്റെ നിലവിലെ ഗതികേടിന് എന്താണ് കാരണമെന്ന് ചോദിച്ചാല്‍ ഇങ്ങനെയും ചില കാഴ്ചകള്‍ കാണാം. .
പൊന്നിങ്കുടങ്ങളും പൊന്നോമനകളും രോമാഞ്ചങ്ങളുമാണ്
നമ്മുടെ സ്ഥാനാര്ഥികല്‍ എന്നുചില പാര്ട്ടി നേതാക്കള്‍. ഈ സ്ഥാനാര്‍ ത്ഥികള്‍
സാധാരണ ജനത്തിന് എങ്ങനെയാണ് പൊന്നിങ്കുടങ്ങളാവുന്നത്? ഇവര്‍
ജനത്തിന് വേണ്ടി എന്താണ് ചെയ്തിട്ടുള്ളത്? പലരും നൂലില്‍കെട്ടിയിഓറക്കിയ
സ്ഥാനാര്‍ ത്ഥികള്‍ . പെയ്ഡ് സീറ്റേന്നോ പേമെന്റ് സീറ്റെന്നോ പറയാം. ഇവരുടെ മുന്‍
കാലജനസേവനം എന്തൊക്കെയാണ്?
പാലക്കാട് ഒരു സ്ഥാനാര്‍ഥിയുണ്ട്, പേര്
എം പി വീരേന്ദ്രകുമാര്‍. അദ്ധേഹത്തിന്റെ ഉടമസ്ഥതയിലുള്ള പത്രമാണ് മാതൃഭൂമി. ഈ
പത്രത്തില്‍ വീരേന്ദ്രകുമാറിന്റെ പ്രചാരണ വാര്ത്തകള്‍ മാത്രമേ ഉണ്ടായിരുന്നുള്ളൂ
എന്നാണാരോപണം. ധാര്‍മികത പുലര്‍ത്തേണ്ടതാണ് പത്രങ്ങള്‍. സത്യസന്ധമായ വാര്‍ത്തകളാണ്
വരേണ്ടത്.. ഏത് പത്രമാണ് സത്യസന്ധമായ, കൃത്യമായ വാര്‍ത്താ
ജനത്തിന് നല്കിയത്. ഒരേ വാര്ത്ത പോസിറ്റീവ്
ആയും നെഗറ്റിവ് ആയും കൊടുക്കാനാവും
എന്നു തെളിയിക്കുകയായിരിന്നു പത്രങ്ങലെങ്കില്‍ ജനത്തെ തമ്മില്‍
തല്ലിക്കുകയായിരുന്നു ചാനലുകള്‍ .
കടകമ്പള്ളി എന്നൊരു വില്ലേജുണ്ട്,
തിരുവനന്തപുരം ജില്ലയില്‍. അവിടെ സ്ഥല യുടമകള്‍ക്ക് കരമടക്കേണ്ടതില്ല. കരമടക്കാന്‍
ചെന്നപ്പോഴാണ് കേള്‍ക്കുന്നത് കരമെല്ലാം
അടച്ചുപോയി എന്ന്. ഭൂമിതട്ടിപ്പ് എന്ന ഇടപാട് നടക്കുന്നതു നാം
കൊട്ടിഘോഷിക്കുന്ന ജനാധിപത്യം പുലരുന്ന മണ്ണിലാണ്. അങ്ങനെ ജനാധിപത്യം എങ്ങോട്ട്
എന്ന ചോദ്യത്തിന് തട്ടിപ്പിലോട്ട് എന്നൊരു മറുപടിയും അനുയോജ്യം.
ഇന്ത്യ രാജ്യം ഹിന്ദുസ്ഥാന്‍ എന്നു അറിയപ്പെടും,
ഭൂരിപക്ഷം വരുന്ന ജനം ഹിന്ദുക്കളാണ് ആയതുകൊണ്ടാണ് അങ്ങനെ വിളിക്കുന്നത്.
പക്ഷേ മതേതര രാജ്യം എന്നും
വിളിക്കാനാണ് ബെഹുജനത്തിന് താല്‍പര്യം.
എന്നാല്‍ ഈ വിളി പാകിസ്താനില്‍ വിളിക്കാന്‍
ഒരു പാക് കൃസ്ത്യാനിയും തയ്യാറല്ല. വിളിച്ചാല്‍ കളിയറിയും. ഹിന്ദുസ്ഥാനിലെ
ഹിന്ദുക്കളുടെ വലിയ പോപ്പാണ് ലാല്‍ കൃഷ്ണ അദ്വാനി. ഈ പോപ്പ് പെരുന്നയിലെ നായന്‍മാരുടെ
പോപ്പിനെ വിളിച്ച് ആവശ്യപ്പെട്ടിരുന്നു, തിരുവനതപുരത്തെ ഡെല്‍ഹി
നായര്‍ക്ക് വോട്ടുചെയ്യേണ്ട, വോട്ടെല്ലാം ഒ. രാജഗോപാലിന്നുകൊടുക്കാന്‍.
സമുദായധിഷ്ഠിതമല്ലാത്ത ഭയങ്കര ജനാധിപത്യമല്ലേ ഇന്ത്യ മഹാരാജ്യത്ത്?
കള്ളവോട്ട്, ബൂത്തുപിടുത്തം, തട്ടിക്കൊണ്ടുപോകല്‍ ഇവയെല്ലാം തകൃതിയായി നടക്കുന്ന സംസ്ഥാന ങ്ങളില്‍
ഒന്നാണ് ഛത്തീസ്ഘട്. കേരളത്തില്‍ കണ്ണൂരിലെയും ,
കൈനകരിയിലെയും സ്ഥിതി വ്യത്യസ്ഥമല്ല. മാവോയിസ്റ്റുകാളാണ് ഇത്തരം അക്രമങ്ങള്‍ക്ക്
പിന്നില്‍ എന്നു പറഞൊഴിയുമ്പോള്‍. നമ്മുടെ ജനാധിപത്യത്തിന് ഇവയൊന്നും തടയാന്‍
കഴിയുന്നില്ല എന്നതാണു ദയനീയം.
ജനത്തിന്റെ അവസാന ആശ്വാസത്തുരുത്താണു കോടതി.
സമീപകാലത്തെ ചില വിധിപ്രസ്താവങ്ങള്‍ വായിച്ചാല്‍ കോടതിയും സ്വന്തം
തടിരക്ഷിക്കുന്നതായി കാണാം ജഡ്ജിമാര്‍ക്ക് കേസുകേല്‍ക്കുന്നതില്‍ നിന്നൊഴിവാകന്‍ പ്രത്യേക
കാരണമൊന്നും വേണ്ട. രാഷ്ട്രീ യമാറ്റത്തിന്
കാരണമാകുന്ന വിധി പ്രസ്താവിച്ചതിന് ശേഷം
കവലപ്രസംഗംനടത്തി ജഡ്ജിമാര്‍ സ്വന്തം ഭാഗം ന്യായീകരിക്കുന്നത് ജനാധിപത്യത്തിന്റെ
പുതുകാഴ്ചയാണ്.
സാധാരണ ജനത്തിത്തിന്റെ ജീവിതം ഇന്ത്യ യില്‍ ദുസ്സഹമാക്കുന്നത്
കോര്‍പ്പൊറേറ്റുകളാണ്. ഗ്യാസിനും പെട്രോളിനും ആവശ്യവസ്തുക്കള്‍ക്കും വില കൂട്ടാന്‍
കോര്‍പ്പൊറേറ്റുകളെ സഹായിക്കുന്നത് ജനാധിപത്യകക്ഷികള്‍.
എണ്ണകമ്പനികള്‍ സമ്മാന്തരസര്‍ക്കരായിപ്രവ്ര്‍ത്തിക്കുന്നതു ഇന്ത്യന്‍ ജനാധിപത്യ ഭരണാത്തിന്‍
കീഴിലാണ്. കോണ്ഗ്രസ് ഭരിക്കുമ്പോള്‍ അംബാനി പണമുണ്ടാക്കുമെങ്കില്‍ മോഡി ഭരിക്കാന്‍ തുടങ്ങും മുന്പെ അംബാനിയും അദാനിയും
കാശു വാരിക്കൂട്ടുന്നു. അദാനി കമ്പനിയുടെ ഓഹരിവില എന്തുകൊണ്ട് ഈയിടെ കുതിച്ചുകെറിയെന്ന്
കേജറിവാള്‍ ചോദിച്ചാല്‍ പതിനേഴാം
വയസ്സില്‍ യശോദാബേണിനെ വിവാഹം കഴിച്ചകാര്യം മോഡി പറയും.
കേരളത്തില്‍ വോട്ടിങ് കഴിഞ്ഞു, വോട്ടെല്ലാം വോട്ടിങ് യന്ത്രത്തിന്റെ കണ്‍ട്രോള്‍
യൂണിറ്റ് സ്റ്റോറെജില്‍ സേഫ് എന്നു ബോധ്യമായതോടെ നേതാക്കള്‍ ചെളിവാരിയെറിയാന്‍ തുടങ്ങി.
ഞങ്ങള്‍ പറ്റിച്ചുവെന്നും പറഞ്ഞു പി സി ജോര്‍ജും കൂട്ടരും ജനത്തെ പരസ്യമ്മായി പരിഹസിക്കുന്നതാണ്
ഇവിടെ ജനാധിപത്യം.
കേരള്‍ത്തില്‍ ആകെ വോട്ടര്‍മാര്‍ 2 കോടി 43
ലക്ഷം എന്നു കൊട്ടത്താപ്പ്. വോട്ടിങ് ശതമാനം 74.04. എന്നുവെച്ചാല്‍ 64 ലക്ഷം വോട്ടുചെയ്തില്ല.
ഇവരെല്ലാം വോട്ടുചെയ്യാതിരുന്നത് നമ്മുടെ ജനാധിപത്യത്തില്‍ വിശ്വാസമില്ലാത്തതുകൊണ്ടല്ല
മറിച്ചു മെഡിക്കല്‍ കോളേജില്‍ അഡ്മിറ്റായിരുന്നതുകൊണ്ടാണെന്ന്
നമ്മുടെ നേതാക്കന്മാര്‍ പറയും.
ചുരുക്കത്തില്‍ നമ്മുടെ ജനാധിപത്യപ്രക്രിയയുടെ ഹൃദയമിടിപ്പ് അല്പം അവതാളത്തിലാണ്.
കള്ളന്മാരും, സമുദായപ്രമാണിമാരും, ആക്രമികളും, കള്ളവാറ്റു കാരും, മാഫിയകളും,
രാഷ്ട്രീയപിംപുകളുംകൂടി ഉടന്‍ ശ്വാസം മുട്ടിച്ചുകൊന്നില്ലെങ്കില്‍ നാമുടെ ജനാധിപത്യം
ഇന്നത്തെയവസ്ഥയ്യില്‍ അല്ലെങ്കില്‍ കുറെക്കൂടി മോശമായ രീതിയില്‍ കുറച്ചുനാള്‍കൂടി മുന്നോട്ടുപോകും.
കെ എ സോളമന്‍
