പ്രഭാതം - ഹൈക്കു കവിതകൾ

#ഹൈക്കു -കെ എ സോളമൻ

1) #പ്രഭാതം

നടത്തം പ്രഭാതത്തിൽ

പെട്ടെന്നു ചെയ്യുന്ന മഴ

പ്രഭാതങ്ങൾ ഇനിയുമുണ്ട്.

        

2) #ശ്മശാനം

ആളൊഴിഞ്ഞാലും

പൂക്കൾ കൂട്ടിന്

ഞെട്ടറ്റ ഒരു പൂവ്.

3) #ചെമ്പരത്തി

ചെമ്പരത്തിപ്പൂവ്

ഇളം കാറ്റിൽ തലയാട്ടിയില്ല

ചെവിയിലിരിക്കുമ്പോൾ എങ്ങനെ ?

4) #ലഹരി

അച്ഛനുമമ്മയും

അവർ മിണ്ടുന്നതേയില്ല

മകൻ മാത്രം അമറുന്നു.

5) #ക്ളോക്

ആറ്റിറമ്പലെ വീട് 

പുറത്തേഭിത്തിയിൽ ക്ലോക്ക് 

ടിക് ടിക് ആർക്കോവേണ്ടി 

      

6) #വീട്

വീട് പുതിയതാണ്

കിടന്നിട്ടു ഉറക്കം വരുന്നില്ല

ആള് പഴയതാണ്

7) #കളനാശിനി

കളിവേണ്ടെന്നു കളനാശിനി

ആകെ പേടിച്ചുപോയി

തൊട്ടാവാടി

8) #നാണി

എന്താണിങ്ങനെ കേശുവേട്ടാ?

എഴുപതു പിന്നിട്ട നാണി

നാണം കുണുങ്ങുന്നു

9) #യുവതി

അക്കരെയുള്ള യുവതി

ഇക്കരയുള്ള തോണിക്കാരൻ

തുഴയോടു തുഴ

10) #നരബലി

മരങ്ങൾ സാക്ഷിയാവണം

ജീവനോടെ മുറിക്കണം

പേരു നരബലി.