പ്രണയപ്പിറാവുകൾ ചോദിക്കുന്ന ചോദ്യമുണ്ട്
ഞാനും പതിവു തെറ്റാതെ നിന്നോടു അതു തന്നെ ചോദിക്കുന്നു
എന്നാണ് നിന്നെ ഞാൻ ആദ്യമായി കണ്ടത്?
നിന്നെക്കുറിച്ച് എനിക്ക് എക്കാലത്തു മറിയാമായിരുന്നു.
നിന്നെ എപ്പോഴും സ്വപ്നം കണ്ടിരുന്നു
എന്റെ വിരലുകളുടെ ചലനം നിനക്കു പരിചയമുള്ളവയായിരുന്നു.
നിന്റെ ചുണ്ടുകൾ ലോലവും അതി മനോഹരവുമാണ്.
കണ്ണുകൾ കരിങ്കൂവളങ്ങളും കാതരവുമാണ്
എല്ലാ രഹസ്യങ്ങളും നീയുമായ് ഞാൻ പങ്കുവെച്ചില്ലേ?
നീ അറിയാത്ത ഒരു രഹസ്യവും എനിക്കു ഇല്ലായിരുന്നു
ഞാൻ പറയുന്നതെന്തും നീ അതീവ ശ്രദ്ധയോടെ കേൾക്കുമായിരുന്നില്ലേ?
നമ്മൾ കുറച്ചു കാലത്തേക്കു മാത്രമുള്ള സുഹൃത്തുക്കൾ ആയിരുന്നോ?
എന്റെ ചിന്തകളുടെ ഉറവിടം നീ ആയിരുന്നു
കഥയുടെ ആരംഭവും കഥാവസാനവും നിന്നിൽ തന്നെയായിരുന്നു.
ദയാവായ്പുള്ള, സൂക്ഷ്മതയുള്ള
സുന്ദരിയായിരുന്നു നീ
എത്രയോ തവണ ഞാൻ പറഞ്ഞിട്ടുണ്ട്
ഒരിക്കലുമുപേക്ഷിച്ചു പോകില്ലയെന്ന്
നിന്നെക്കുറിച്ചുള്ള ചിന്തകളാണ് ഉള്ളിലെപ്പോഴും
ഞാൻ നിന്നെ ഏറെഅറിയുന്നു
എന്റെ ഉള്ളിലെവിസ്ഫോടനങ്ങൾക്ക് കാരണം നീയാണ്
ഒരു പക്ഷെ ഞാനിങ്ങനെ കുറിച്ചില്ലെങ്കിൽ
നീ പോലുമറിയാതെ പോകും എന്റെ തേങ്ങലുകൾ
ആർക്കുമറിയാത്തൊരു സത്യമുണ്ട്
അതോർത്ത് ഞാൻ അത്ഭുതപ്പെടുകയും ചെയ്യും
നീ എന്നിൽ നിന്ന് എന്നേക്കുമായ് അകന്നു പോയാൽ
ഞാൻ എന്താകുമെന്ന്?
മറുപടി കാലത്തിനു മാത്രമേ അറിയൂ
നമ്മൾ ഒരുമിച്ചു നടന്ന വഴികൾ എനിക്കിഷ്ടമാണ്
അവിടങ്ങളിലെ ഏകാന്ത യാത്ര
എനിക്കിന്നും സൗഖ്യദായകം
കാത്തിരിക്കണമെന്നതാവാം സത്യം, കാലമാണതു പറയേണ്ടത്.
എങ്കിലുമൊന്നുണ്ട് ഓർമ്മിക്കുവാൻ
ജീവിതം ഉന്മേഷഭരിതമായത്
നിന്നെ കണ്ടെത്തിയ നാൾ മുതലാണ്
എന്റെ ജീവിതം മാറി മറിഞ്ഞതും അന്നു മുതലാണ്
നിന്നെ ഞാൻ ഒത്തിരി ഇഷ്ടപ്പെടുന്നു
നിന്നെയും എന്നെയും കുറിച്ചു മാത്രമാണെന്റെ ചിന്തകൾ
- കെ എ സോളമൻ
