സനല്‍ കുമാര്‍ ശശിധരന്‍ സംവിധാനം ചെയ്ത എസ്.ദുര്‍ഗയുടെ സെന്‍സര്‍ഷിപ്പ് സെന്‍സര്‍ ബോര്‍ഡ് റദ്ദാക്കിയത് വളരെ ഉചിതമായ നടപടി. സിനിമയുടെ ആദ്യ പേരു സെക്സി ദുർഗ്ഗ. പിന്നീട് പരിഷ്കരിച്ചു എസ് ദുർഗ്ഗ. ദുർഗ്ഗയെന്ന പേര് ഹിന്ദു മത വിശ്വാസമായി ബന്ധപ്പെട്ടതാണ്. സിനിമയ്ക്കു ഇത്തരമൊരു പേരും തുടർന്നുള്ള മാറ്റവും ആവിഷ്കാരസ്വാതന്ത്ര്യമല്ല, മറിച്ച് അഹങ്കാരവും അറിവില്ലായ്മയുമാണ്. വില കുറഞ്ഞ പ്രശസ്തിക്കുവേണ്ടിയുള്ള ഇത്തരം കാടത്തങ്ങൾ മത വിശ്വാസങ്ങളിലുള്ള കടന്നുകയറ്റമാണ്, ഒരിക്കലും അനുവദിക്കാൻ പാടില്ലാത്തത്.
ഡാവിഞ്ചിക്കോട് എന്ന ഹോളിവുഡ് സിനിമക്കു വിലക്കു ഏർപ്പെടുത്തിയ രാജ്യങ്ങളുണ്ട്. സൽമൻറുഷ്ദിയുടെ സാത്താനിക് വേഴ്സ് നിരോധിച്ചിട്ടുണ്ട്. തസ്ലിമ നസ്റിന് ബംഗ്ളാദേശിലേക്കു തിരികെ ചെല്ലാൻ പറ്റാത്തതു മത വിശ്വാസത്തെ നിന്ദിക്കുന്ന പുസ്തക രചന നടത്തിയതുകൊണ്ടാണ്‌. നാടക കലാകാരൻ പി എം ആന്റണിയുടെ '.ആറാം തിരുമുറിവ് ' നാടകത്തിനു കേരളത്തിൽ അവതരണാനുമതി നിഷേധിച്ചത് ക്രിസ്തുമത വിശ്വാസത്തെ അധിക്ഷേപിച്ചതുകൊണ്ടായിരുന്നു. അങ്ങനെ നോക്കുമ്പോൾ ഭാരതത്തിലെഹിന്ദു വിശ്വാസത്തെ സിനിമാ പേരിലൂടെ അധിക്ഷേപിക്കുന്ന സ്യഷ്ടി നിരോധിക്കേണ്ടതു തന്നെ.
ആവിഷ്കാര സ്വാതന്ത്ര്യമെന്നത് പ്രശ്നങ്ങൾ പരിഹരിക്കാനുള്ളതാവണം, സൃഷ്ടിക്കാനുള്ളത് ആകരുത്. അതു കൊണ്ടു തന്നെ ഗോവ ഫിലിംഫെസ്റ്റിവല്‍ ജൂറിയില്‍ നിന്നു സിനിമയുടെ പേര് സംബന്ധിച്ച പരാതി ഉയർന്നത് സ്വാഗതാർഹമാണ്.
ആദ്യം ചിത്രം പരിശോധിച്ച സെന്‍സര്‍ ബോര്‍ഡ്, സെക്സി ദുര്‍ഗ എന്ന പേര് മാറ്റണമെന്ന് നിര്‍ദ്ദേശിക്കുകയും ഇതിനെ തുടര്‍ന്ന് ചിത്രത്തിന്റെ പേര് എസ് ദുര്‍ഗ എന്നാക്കി മാറ്റുകയും ചെയ്തതാണ്. അതിനിടയിലാണ് പുതിയ ടൈറ്റില്‍ കാര്‍ഡില്‍ എസ് എന്നതിനൊപ്പം ചില ചിഹ്നങ്ങള്‍ കൂടി ഉപയോഗിച്ചത്. അത് അങ്ങേയറ്റം അപലപനീയവും മതവൈരം സൃഷ്ടിച്ചു മുതലെടുപ്പു നടത്താൻ ഉദ്ദേശി ച്ചുള്ളതുമായും കരുതണം. സെക്സി ദുര്‍ഗ, ന്യൂഡ് എന്നൊക്കെ പേരിട്ടു സിനിമ പടച്ചു വിടുന്നവരുടെ ലക്ഷ്യം എളുപ്പത്തിൽ പണമുണ്ടാക്കുക മാത്രമല്ല, കലാപം സ്പഷ്ടിച്ചു മുതലെടുപ്പു നടത്തുക യെന്നതുകൂടിയാണ്
എസ് ദുർഗ്ഗയെ പനോരമ സെലക്ഷനില്‍ നിന്ന് ഒഴിവാക്കാനുള്ള വാര്‍ത്താവിനിമയ മന്ത്രാലയത്തിന്റെ തീരുമാനത്തെ അപലപിച്ച് എത്തിയിട്ടുള്ള കേരളത്തിലെ ചില സിനിമ പ്രവർത്തകരുടെ പേരു വിവരം വായിച്ചാൽ അറിയാം സിനിമ ഏതു പരുവത്തിൽപ്പെട്ടതാകുമെന്ന് . ആദ്യത്തെ ആള് ഹാഷിഷ് അബു എന്നറിയപ്പെടുന്ന ആഷിഖ് അബു ആണ് . സ്ത്രീ ശാക്തീകരണമെന്നാൽ പുരുഷലിംഗം മുറിക്കൽ ആണെന്നു സിനിമയിലൂടെ തെളിയിച്ച സംവിധയാകനാണ് അദ്ദേഹം, കൂടെ നടിയും ഭാര്യയുമായ കല്ലുങ്കലുമുണ്ട്. പിന്നെത്തെ ആൾ ലിജോ ജോസ്പല്ലിശ്ശേരിയാണ്. സിനിമയിൽ എങ്ങനെ അധോവായുവും തെറി അഭിഷേകവും സമ്മേളിപ്പിക്കാമെന്നു തെളിയിച്ച സംവിധായകൻ. തിരക്കഥാ അ വാർഡിന്റെ തളളിച്ചയിൽ കൂടെ നിന്നില്ലെങ്കിൽ അവസരം കിട്ടില്ലയെന്നു ഭയപ്പെടുന്ന ശ്യാം പുഷ്കർ, ദിലീഷ് പോത്തന്‍, ഗീതു മോഹന്‍ദാസ് തുടങ്ങിയവരുമുണ്ട്. വയലാർ കവിയല്ലായെന്നു പറഞ്ഞു നടക്കുന്നറഫീഖ് അഹമ്മദ് പെട്ടു പോയത് സുടാപ്പി സൗഹൃദത്തിന്റെ പേരിലാവണം. പിന്നെയുമുണ്ട് വിധു വിന്‍സെന്റ്, ഫൗസിയ ഫാത്തിമ, ഷൈജു ഖാലിദ്, ഷഹബാസ് തുടങ്ങിയവർ. പേരുകൊണ്ടുതന്നെ വ്യക്തമാണ് ഇവരൊക്കെ എന്തുകൊണ്ടു എസ്. ദുർഗ്ഗയ്ക്കു വേണ്ടി വാദിക്കുന്നുവെന്ന്.
ആവിഷ്കാര സ്വാതന്ത്ര്യം സ്വന്തം കൈ ഉയർത്തുന്നതും പോലെ പ്രധാനപ്പെട്ട ഒന്നാണ്. പക്ഷെ കൈ ഉയർത്തുന്നത് മറ്റൊരുത്തന്റെ താടിക്കൂ കീഴെ കൊണ്ടു ചെന്നിട്ടല്ല. ഒരു ജനവിഭാഗത്തിന്റെ, മത വിശ്വാസികളുടെ വികാരങ്ങളെ വ്രണപ്പെടുത്തി എന്താവിഷ്‌കാരമാണ് ഇവിടെ ഇക്കൂട്ടർ നടത്താൻ പോകുന്നത്? ആവിഷ്കാര സ്വാതന്ത്ര്യത്തിന്റെ പേരും പറഞ്ഞു നിയമ വ്യവസ്ഥയുള്ള രാജ്യത്ത് എന്തും മോശമായി ചിത്രീകരിക്കാമോ? പ്രകോപനകരമായ ടൈറ്റിൽ തിരഞ്ഞെടുക്കുന്നത് തന്നെ വില കുറഞ്ഞ ഒരു കച്ചവടതന്ത്രമാണ്
സാധാരണ ജനം അവഗണിക്കുന്നഇത്തരം സൃഷ്ടികൾ കാണാൻ കുറെ കിസ് ഓഫ് ലൗ ആളുകളും സണ്ണി ലിയോൺ ആരാധകരും കാണും. അക്കൂട്ടരെ ആകർഷിക്കാൻ സിനിമയുടെ പേരിലും പോസ്റ്ററിലും വിവാദം വേണം. അല്ലാതെ അവിഷ്കാര സ്വാതന്ത്ര്യത്തിന്റെ ഒരു പുല്ലും ഈ സിനിമാ തലക്കെട്ടിലില്ല.
ആവിഷ്കാര സ്വാതന്ത്ര്യത്തിനു ഒരു പരിധി യുണ്ട്. പണം സമ്പാദിക്കണമെന്ന ഒറ്റ ലക്ഷ്യത്തിന്റെ പേരിൽ രതിവൈകൃതസിനിമാക്കാർ
വിശ്വാസികളുടെ ക്ഷമ പരീക്ഷിക്കുന്ന സാഹചര്യം അനുവദിച്ചു കൊടുക്കാൻ പാടില്ല.
-കെ എ സോളമൻ
