തുമ്പിപ്പട - പാട്ട്

#തുമ്പിപ്പട - പാട്ട്

കുഞ്ഞുങ്ങളെ, ചിത്രശലഭങ്ങളെ

തുമ്പിപ്പടയിലെ കൂട്ടുകാരെ

നിങ്ങടെ ലോകത്തെ സ്നേഹം കാണാൻ

എന്നെയും കൂട്ടുമോ കൂട്ടുകാരെ ?

സ്നേഹം നിറഞ്ഞൊരീ നവ്യലോകം 

സൗമ്യം സമാധാനമാണിവിടം

കൂട്ടരെ നിങ്ങളെ കാണുമ്പോഴെൻ

ബാല്യവും കണ്ണിൽ തെളിമയോടെ.

ഓര്‍ത്താല്‍ അഭിമാനം ബാല്യകാലം

സ്കൂളിൽ നടന്നങ്ങു പോയ കാലം

മാവുകൾ കുശലം  പറഞ്ഞ കാലം

മാമ്പൂക്കൾ വാരി എറിഞ്ഞ കാലം

കുഞ്ഞുമോഹങ്ങൾ വര്‍ണ്ണക്കുടകളായി

തുമ്പികൾ പോലെ പറന്ന കാലം

ആ നല്ലകാലം തിരികെ നൽകാൻ

കഴിയുമോ നിങ്ങൾക്ക് കൂട്ടുകാരെ,

തുമ്പിപ്പടയിലെ കൂട്ടുകാരെ?

കുഞ്ഞുങ്ങളെ, ചിത്രശലഭങ്ങളെ

തുമ്പിപ്പടയിലെ കൂട്ടുകാരെ

നിങ്ങടെ ലോകത്തെ സ്നേഹം കാണാൻ

എന്നെയും കൂട്ടുമോ കൂട്ടുകാരെ ?

എന്നെയും കൂട്ടുമോ കൂട്ടുകാരെ ?

-കെ എ സോളമൻ