വീടിനു പരിസരത്തെ ശബ്ദമലിനീകരണം നിര്‍ത്തലാക്കാന്‍ കഴിവില്ലാത്ത ഭര്‍ത്താവിനെ വേണ്ടെന്ന് തീരുമാനിച്ച് യുവതി വിവാഹമോചനം ആവശ്യപ്പെട്ടതായി ബീഹാറിലെ ഹാജിപൂരിൽ നിന്നു റിപ്പോർട്ടു ചെയ്യുന്നു. വിവാഹമോചനം ആവശ്യപ്പെട്ട് യുവതി മനുഷ്യാവകാശകമ്മീഷനെയും പ്രധാനമന്ത്രിയെയും മുഖ്യമന്ത്രിയെയും സമീപിച്ചിരിക്കുകയാണ്.. ഇതു ഒറ്റപ്പെട്ട സംഭവമായി കാണേണ്ടതില്ല. കേരളത്തിലെ യുവതികളും ഈ വിധം ചിന്തിച്ചാൽ കേസുകളുടെ വേലിയേറ്റം തന്നെ ഉണ്ടാകും.
മതപരമായ ചടങ്ങുകളുടെ പേരില്‍ കേരളത്തിലെ തെരുവുകളിൽ എപ്പോഴും ഉച്ചഭാഷിണികളുടെ ശബ്ദമാണ്. രാഷ്ട്രീയക്കാരുടെ ശബ്ദഘോഷങ്ങൾ പരിധി ലംഘിക്കുന്നു. നിരോധനമുണ്ടെങ്കിലും വാഹനങ്ങളിൽ ചീറിപ്പാഞ്ഞ് അനൗൺസ്മെന്റ് നടത്തുന്നതും വർദ്ധിച്ചു. അടിയന്തിര ഘട്ടമല്ലെങ്കിലും ആംബുലൻസുകളുടെ ശബ്ദമലനീകരണം പലപ്പോഴും പരിധി ലംഘിക്കുന്നു. സൈലൻസർ നീക്കം ചെയ്ത ബൈക്കുകൾ ഉണ്ടാകുന്ന ശബ്ദം
100 ഡെസിബലിനു മുകളിലാണ്. വെടിക്കെട്ടിനു നിരോധമുണ്ടെങ്കിലും അധികൃതരെ കബളിച്ച് യഥേഷ്ടം നടത്തപ്പെടുന്നു. പ്രായമായവരും രോഗികളും പരീക്ഷയ്ക്കു പഠിക്കുന്ന കുട്ടികളും ശബ്ദ ശല്യം മൂലം പൊറുതി മുട്ടുന്നു. ഇക്കാര്യം ചൂണ്ടിക്കാട്ടി അധികൃതര്‍ക്ക് അധികമാരുംപരാതി നല്കാൻ പോകുന്നില്ലയെന്നതാണ് ശബ്ദമലിനീകരണം യഥേഷ്ടം നടത്താൽ ഇക്കൂട്ടരെ പ്രേരിപ്പിക്കുന്നത്. ഇനി അഥവാ പരാതി കൊടുത്താൽ പരാതിക്കാരനെ മോശമായി ചിത്രീകരിക്കുന്നല്ലാതെ
നടപടി ഒന്നുമുണ്ടാകാറുമില്ല.
സർക്കാരിനെ സാമ്പത്തികമായി താങ്ങി നിർത്തുവാൻ നിരന്തര ഹെൽമെറ്റ് വേട്ടയ്ക്കു നിയോഗിച്ചിരിക്കുന്ന പോലീസിനെ ശബ്ദമലനീകരണം തടയുന്നതിനായി മാറ്റി നിയമിച്ചാൽ അതു നാട്ടുകാരോട് ചെയ്യുന്നവലിയ കാരണ്യ പ്രവർത്തിയാകും, സർക്കാർ ഖജനാവ് നിറയുകയും ചെയ്യും
-കെ എ സോളമൻ
No comments:
Post a Comment