ആരുമില്ലാത്തവളും ആരുമല്ലാത്തവളുമാണുതാനെന്നു ഉസ്മാനിത്താത്ത. കോണ്‍ഗ്രസ് പ്രസിഡന്‍റ് മദാം ഗാന്ധിക്കും എറ്റുചൊല്ലാവുന്ന ഡയലോഗ്.
മഹിളാ കോണ്‍ഗ്രസ് നേതാവ് ഷാനിമോള്‍ ഉസ്മാന് എത്രവയസ്സുണ്ടെന്ന്
ചോദിച്ചാല്‍, അവരെ സ്ഥിരമായി കാണുന്നവര്‍ പറയും
പതിനേഴു-പതിനെട്ടു എന്ന്. ചാനലില്‍ പ്രത്യക്ഷപ്പെട്ട കാലം തൊട്ടു ഷാളും ചുറ്റിയിരിക്കുന്നതിനാല്‍
പ്രായം തോന്നുകയെയില്ല. പാര്‍ട്ടിപാരമ്പര്യം കണക്കുകൂട്ടി ചിലര്‍ പറയും അവര്‍ക്ക് ഷഷ്ഠി
പൂര്‍ത്തിയെത്തിയെന്ന്. എന്നാല്‍ ഇത്തരം തര്‍ക്കങ്ങള്‍ക്ക് ഒടുക്കം വരുത്തിക്കൊണ്ട്
അവര്‍ തന്നെ പറയുന്നു പ്രായം നാല്‍പ്പത്തിയഞ്ചായെന്ന്. കണക്ക് വളരെ സിമ്പിള്‍.
പതിനഞ്ചാം വയസ്സില്‍ കെ എസ് യു വില്‍ തുടങ്ങിയ പ്രവര്‍ത്തനം. എന്തുപ്രവര്‍ത്തനം എന്നു
ആരും ഇടക്കുകേറി ചോദിക്കരുത്. മുപ്പതു വര്ഷം പിന്നിട്ട ശേഷമാണ് കെ പി സി സി പ്രസിഡണ്ട്
വി എം സുധീരനെ താക്കീതുചെയ്തും ഉപദേശിച്ചുകൊണ്ടുമുള്ള കത്തെഴുതുന്നത്. ഇക്കാലയളവില്‍
ഒരിക്കല്‍ പോലും ആദര്‍ശവും മൂല്യവും അടിയറവ് വെച്ചിട്ടില്ല . ആലപ്പുഴ ജില്ല
കമ്മിറ്റി പ്രസിഡണ്ട് എ എ ഷുക്കൂറോ മാറ്റാരുമോ തനിക്ക് വേണ്ടി പറയാനില്ലാത്തതുകൊണ്ടാണ്
താന്‍ തന്നെ ഇക്കാര്യം നേരിട്ടു പറയുന്നത്. അങ്ങനെയുള്ള ഉസ്മാനിത്താത്തായെ പാര്‍ടിവേദികള്‍
പ്രസിഡന്‍റ് അപമാനിച്ചതുകൊണ്ടു പ്രസിഡെന്‍റിനെ പബ്ലിക്കായി ഇന്‍സല്‍റ്റ് ചെയ്യാമെന്നു
താത്തായും തീരുമാനിച്ചു.
418 ബാറുകളിലെ മദ്യത്തില്‍ വെള്ളം ചേര്‍ക്കാന്‍
പറ്റില്ലെന്ന് പ്രസിഡെന്‍റ് തീരുമാനിച്ചതോടെ യുദ്ധതന്ത്രങ്ങള്‍ മെനയുകയാണ് പ്രായോഗിക
വാദികള്‍. ഈ പ്രായോഗികവാദികളുടെ കൂട്ടത്തില്‍ അര പ്രസിഡന്‍റ് മുതല്‍ മുന്‍ പ്രസിഡണ്ടു
വരെയുണ്ട്. സ്ത്രീകളോടും ശിഖണ്ഡികളോടും യുദ്ധമരുത് എന്ന പൌരാണിക വാദംവെച്ചുപ്രസിഡണ്ടും
കൂട്ടരും പിന്നോട്ടു വലിയും എന്നതാണു പ്രായോഗികവാദികളുടെ കണക്കുകൂട്ടല്‍.
വാര്ത്തകള്‍ മാധ്യമങ്ങള്‍ക്ക് ചോര്‍ത്തിക്കൊടുത്തു
തന്നെ മാനസികമായി പീഡിപ്പിക്കുന്ന ‘സൈക്കോഫാന്‍’ ആണ് പ്രസിഡന്ടെന്നു നിരീക്ഷിച്ചതോടെ താത്തായുടെ
ഇംഗ്ലിഷ് പരിജ്ഞ്ജാനത്തില്‍ അല്‍ഭുതം കൂറുകയാണ് ബാറിലിരുന്നും അല്ലാതെയും മദ്യപിക്കുന്നവര്‍.
കെ സി വേണുഗോപാലിനെയും ഷുക്കൂറിനെയും നന്നാക്കുകഎന്നതായിരുന്നു താത്തായുടെ പ്രഥമോദ്ദേശ്യം.
എന്നാല്‍ ഇപ്പോള്‍ പ്രസിഡന്റിനെക്കൂടി നന്നാക്കാനുള്ള ശ്രമത്തിലാണു താത്ത. പാര്‍ടിയുടെ
മറ്റൊരു അരപ്രസിഡന്‍റ് ഹസ്സന്റെ നേതൃത്വത്തിലുള്ള കമ്മീഷന്റെ തെളിവെടുപ്പുകഴിയുമ്പോള്‍
അറിയാം താത്തായുടെ വഴി പുറത്തേക്കോ അകത്തേക്കോ എന്ന്.
-കെ എ സോളമന്‍
No comments:
Post a Comment