പ്ലസ് ടു ഇല്ലാത്ത പഞ്ചായത്തുകളില്‍ പ്ലസ് ടു അനുവദിക്കാനുളള തീരുമാനം പരണത്ത് കേറ്റിയെങ്കിലും നിലവിലെ ഹയര്‍ സെക്കന്ഡറി സ്കൂളുകളില്‍ അധികബാച്ച് അനുവദിക്കുന്നതില്‍ കോണ്‍ഗ്രസും ലീഗും ഒറ്റക്കെട്ടായി. അധിക ബാച്ച് ഇടപാടില്‍ കോടികളുടെ തിരിമറി നടന്നിട്ടുണ്ട് എന്ന ആരോപണം തള്ളിക്കളയനാവാത്ത വിധമാണു ആലപ്പുഴ ജില്ലയില്‍ നിന്നുള്ള വാര്ത്തകള്‍. പ്ലസ് ടൂ ഇടപാടില്‍ ജില്ലയിലെ തീരദേശമേഖല പാടെ അവഗണിക്കപ്പെട്ടിരിക്കുകയാണ്.
ചേര്‍ത്തല താലൂക്ക് തുറവൂര്‍ പഞ്ചായത്തിലെ പള്ളിത്തോട് സെയിന്‍റ് സെബാസ്റ്റിയന്‍സ് സ്കൂള്‍ പത്താം ക്ലാസ് പരീക്ഷയ്ക്ക് 100 ശതമാനം വിജയം കൈവരിച്ചതാണ്. കോഴകൊടുക്കാത്തതു കൊണ്ടാവണം ഈ സ്കൂള്‍ മാനേജുമെന്‍റിന്റെ അപേക്ഷ പരിഗണിക്കപ്പെട്ടില്ല. ചെല്ലാനം, പള്ളിത്തോട്, അഴീക്കല്‍, ഒറ്റമശേരിഎന്നിവടങ്ങളിലെ കുട്ടികള്‍ കിലോമീറ്ററുകള്‍ സഞ്ചരിച്ചാണ് പ്ലസ് ടുപഠനം നടത്തുന്നത്.
തീരദേശ മേഖലയിലെ മറ്റൊരു ഹൈസ്കൂളായ തങ്കി സെയിന്‍റ് ജോര്‍ജസ് സ്കൂളില്‍ പ്ലസ് ടു തുടങ്ങാനുള്ള യാതൊരു സാധ്യതയും കാണുന്നില്ല. തീരദേശത്തെ മല്സ്യത്തൊഴിലാളികളെ സംരക്ഷിക്കുമെന്ന് പറയുന്ന സര്ക്കാര് അവരുടെ ഉന്നമനത്തിന് വേണ്ട യാതൊന്നും ചെയുന്നില്ല എന്നതിന് തെളിവാണ് ഈ സ്കൂളുകളോടുള്ള അവഗണന.
ഇ.കെ.നയനാര്‍ സര്‍ക്കാരിന്റെ കാലത്താണ്‌ വിപുലമായി ഒടുവില്‍ പ്ലസ് ടു അനുവദിച്ചത്‌. അന്ന്‌ പി.ജെ. ജോസഫായിരുന്നു വിദ്യാഭ്യാസ മന്ത്രി. അദ്ദേഹത്തിനെതിരെയും അദ്ദേഹത്തിന്റെ പാര്‍ട്ടിയുടെ ഒരു നേതാവിനെതിരെയും അക്കാലത്ത്‌ അഴിമതി ആരോപണം ഉയര്‍ന്നിരുന്നു. പിന്നീട്‌ ആ നേതാവും മന്ത്രിയും തെറ്റി. ഒടുവില്‍ ഇരുവരും യു.ഡി.എഫിലെത്തി. അന്ന്‌ നടന്നതു പോലെയുളള വലിയ അഴിമതിയാണ്‌ പ്ലസ് ടു കച്ചവടത്തിലൂടെ ലീഗും യു.ഡി.എഫ്‌ സര്ക്കാര് നടത്തുന്നത്.
ഓരോ പ്ലസ് ടു ബാച്ച് അനുവദിക്കുമ്പോഴും ലക്ഷങ്ങള്‍ കൈക്കൂലികൊടുക്കണമെന്നതും . കൈക്കൂലി ഇല്ലെങ്കില്‍ അദ്ധ്യാപക പോസ്റ്റുകള്‍ നല്‍കണമെന്നതും ലജ്ജാകരമാണ്.
കെ എ സോളമന്‍
No comments:
Post a Comment