ദു:ഖം ഘനീഭവിച്ച ഒത്തിരി ദിനങ്ങളുടെ ഒരു വർഷം കടന്നു പോയി. ഭീകരാക്രമണം, നിപാ വ്യാപനം, കനത്ത - നാശനഷ്ടങ്ങൾക്കിടയായ വെള്ളപ്പൊക്കം തുടങ്ങിയവയെല്ലാം കഴിഞ്ഞ കൊല്ലത്തെ ദുഃഖകരമായ പാദമുദ്രകളായിരുന്നു. എങ്കിലും സന്തോഷത്തിന്റെ ഏതാനും നിമിഷങ്ങളും 2018 നമുക്കു സമ്മാനിച്ചിരുന്നു.
നീൽ ഗൈമാൻ പറഞ്ഞ വാക്കുകൾ ഈ പുതുവർഷദിനത്തിൽ നമുക്ക് സന്തോഷം നൾകുന്നതാണ്. അദ്ദേഹം പറഞ്ഞു: " ഇന്നാരംഭിക്കുന്ന ഈ വർഷത്തിലും നിങ്ങൾക്ക് തെറ്റുകൾ സംഭവിച്ചേക്കാം. തെറ്റു വരുത്തിയാൽ അതിനർത്ഥം നിങ്ങൾ എന്തോ പുതിയ കാര്യം ചെയ്തുവെന്നതാണ്. ഇങ്ങനെ ചെയ്യുന്നതിലൂടെ, കൂടുതൽ പഠിക്കാനും ജീവിക്കാനും മാറ്റങ്ങളിലേക്ക് നിങ്ങളെ തന്നെ നയിക്കാനും കഴിയുന്നു. മുമ്പു ചെയ്യാത്ത കാര്യങ്ങളാണ് നിങ്ങൾ ചെയ്യുന്നത്, അതാണ് വിലമതിക്കപ്പെടുന്നത്. എന്തെങ്കിലും ചെയ്യുന്നുവെന്നത് നമ്മേ സംബന്ധിടത്തോളം വളരെ പ്രാധാന്യമർഹിക്കുന്ന കാര്യമാണ് "
പുതുവൽസരദിനം പുതിയ തുടക്കത്തിന്റെ ദിനമാണ്. പുതിയൊരദ്ധ്യായം നിങ്ങളുടെ ജീവതത്തിൽ എഴുതാൻ പോകുന്നു. പുതിയ ചോദ്യങ്ങൾ ചോദിക്കപ്പെടണം അവയ്ക്കുള്ള ഉത്തരങ്ങൾ കണ്ടെത്തുകയും വേണം. പുതിയ ഇലകൾ തളിർക്കും, പഴുത്തിലകൾ കൊഴിയും.
നവവൽസരാശംസകൾ!
കെ എ സോളമൻ
