നമ്മുടെ മദ്യകേരളം!

മദ്യം ഒഴുകുന്ന നാടാണ് നന്മുടെ

മദ്യം മണക്കുന്ന  കേരള ദേശം

ഒന്നാണ് നമ്പരെന്നുള്ളോരു തള്ളലിൽ

ഒന്നിച്ചിരുന്നു നാം നാണിച്ചു പോകുന്നു

കേരളം മുങ്ങുന്ന നീറും കയങ്ങളിൽ

തീരുന്നു ദുരിതമായ് മദ്യപാനോൽസവം

നേട്ടങ്ങളെല്ലാമേ പാഴായ് മാറുന്നു

കോട്ടങ്ങളിൽ കൂപ്പുകുത്തിനാംവീഴുന്നു

മദ്യം ഒഴുകുന്ന നാടാണ് നന്മുടെ

മദ്യം മണക്കുന്ന  കേരള ദേശം

മദ്യം പാടില്ലെന്നാരോ പറഞ്ഞു.

മദ്യമേ പാടുള്ളു,  നാമിന്നറിഞ്ഞു

മദ്യം വിഷമെന്നു ചൊല്ലിയ ഗുരുവിനെ

മദ്യംമരുന്നെന്നു ചൊല്ലി തിരുത്തുന്നു

മദ്യം ഒഴുകുന്ന നാടാണ് നന്മുടെ

മദ്യം മണക്കുന്ന  കേരള ദേശം

മദ്യത്തിനെതിരെ നാവൊന്നനങ്ങിയാൽ

മദ്യാനുകൂലികൾ കൂട്ടമായെത്തും

ചാനലിൽ തുപ്പും നടക്കും പെടുക്കും

ജനകീയമെന്നങ്ങതിനെ പുകഴ്ത്തും

മദ്യം ഒഴുകുന്ന നാടാണ് നന്മുടെ

മദ്യം മണക്കുന്ന  കേരള ദേശം

- കെ എ സോളമൻ